XVII  жарны “Тийн унжлагат”  хэмээх  шороон  нохой жилийн “ЦАХИУР ХАГАЛАХ БӨХ”

“УЛААНБААТАР ХИВС” ХК-ИЙН “ЦАХИУР ХАГАЛАХ БӨХ”-ИЙН ШАГНАЛ

Монголынхоо нийт ард түмэнд XVII  жарны “Тийн унжлагат”  хэмээх  шороон  нохой жилийн сар шинийн мэндийг үндэсний томоохон үйлдвэрлэгч “Улаанбаатар хивс” ХК-ийн хамт олноос өргөн дэвшүүлж байна.

Монголын машинт хивсний ууган үйлдвэр “Улаанбаатар хивс” ХК нь  1971 онд байгуулагдсан бөгөөд эдүгээ тасралтгүй 47 дахь жилдээ  үйл ажиллагаагаа явуулж, эх орны үнэт түүхий эд болсон хонины ноосоор Алтанбулаг, Улаанбаатар, Отгонтэнгэр, Алтан- Өргөө, Саян зэрэг нэр төрлийн хивс үйлдвэрлэн,  дотоод, гадаадын хэрэглэгчдэд нийлүүлж  ирлээ.

Манай компани нь Монголын Үндэсний Бөхийн холбоотой хамтран 2003 оноос Сар шинийн барилдаанд одтой сайхан барилдаж, үзэгч түмнээ баясгасан, улсын цолонд хамгийн ойрхон яваа нэг залуу бөхийг  “Цахиур хагалах бөх” –өөр шалгаруулан, өргөмжлөл, компанийн тухайн жилийн  шинэ бүтээгдэхүүний дээж болсон  хивсээр урамшуулан шагнадаг уламжлалтай билээ.

Энэ жил 15 дэх жилдээ гардуулж буй энэхүү шагналыг:

  • Улсын харцага    Түмэннасангийн Амартүвшинд  / Цэргийн заан /
  • Улсын начин        Дугардоржийн Батбаярт / Улсын начин /
  • Улсын заан          Баттулгын Соронзонболд / аймгийн арслан /
  • Улсын гарьд         Нямдоржийн Ганбаатар /аймгийн арслан /
  • Улсын гарьд         Ширбазарын Жаргалсайхан / Аймгийн арслан /
  • Улсын арслан       Цэдэвийн Содномдорж /Аймгийн хурц арслан /
  • Улсын аварга       Ч.Санжаадамба / Цэргийн арслан /
  • Улсын начин         Ж.Чулуунбат /Аймгийн арслан /
  • Улсын арслан       Пүрэвийн Бүрэнтөгс /Аймгийн арслан /
  • Улсын арслан       Намсрайжавын Батсуурь /Аймгийн арслан /
  • Улсын харцага      Оргихын Хангай / Аймгийн арслан /
  • Аймгийн арслан   Шарын Мөнгөнбаатарт / Аймгийн хурц арслан /
  • Улсын заан           Нэгдэлийн Жаргалбаярт /Аймгийн хурц арслан /
  • Аймгийн арслан   Шархүүгийн Пүрэвгарьд /Аймгийн арслан /

нарын хүчит бөхчүүд аймгийн цолтой байхдаа хүртэж байсан бөгөөд одоогоор бүгдээрээ улсын аварга, арслан, гарьд, заан, начин алдар цолонд хүрч амжилттай барилдаж байна.

“Цахиур хагалах бөх” хэмээх энэхүү шагнал жилээс жилд нэр хүнд нь дээшилж, хүчин бөхчүүд төдийгүй үзэгч олны хүсэн хүлээдэг шагналуудын нэг болсон байна.

Энэ жилийн шороон  нохой жилийн Сар шинийн барилдааны “Цахиур хагалах бөх”-өөр шалгарсан Аймгийн арслан Б.Даваа-Очир“Улаанбаатар хивс” ХК-ийн хамт олны нэрийн өмнөөс баяр хүргэж, одтой сайхан барилдаж улсын цолонд хүрэхийн ерөөл дэвшүүлье!

“Улаанбаатар хивс” ХК

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн